必follow!6大各地萌寵主子IG(上)

cute-cat-1

曾經有科學家研究出可愛有5個「標準元素」,包括:胖嘟嘟臉頰、小下巴、像按鈕一樣的鼻子、一雙大眼睛、紅粉緋緋的膚色。相信就算無齊備足以上嘅元素,大家只要見到一臉無辜樣嘅貓貓狗狗都已經暈晒大叫kawaii!數數喺網上爆紅嘅動物,除咗已成為眾多香港人心靈雞湯嘅忌廉哥、係日本人見人愛既柴犬Maru、比公仔更似公仔既松鼠狗Boo之外,唔知大家仲follow緊邊個萌寵IG呢~

 

A post shared by nattsxx (@nattsxx) on

1. 有兔仔耳嘅日本北京狗 (ID:nattsxx)

Nattsxx係一隻住喺大阪嘅4歲北京狗妹妹。女主人通常每隔一兩日都會發放佢散步或者瞓覺時嘅萌樣。平日最得歡心就係一對相當飄逸嘅耳仔,散步時仲會跑到耳仔飛起晒,十足十兔仔咁!唔好以為Nattsxx BB好無儀態呀,其實女主人經常俾佢飲士多啤梨沙冰或者牛奶,話可以有助增強女子力,做個pretty lady咁話喎~

 

2. 識踩單車嘅英國浣熊 (ID:melanieraccoon)

嗱嗱嗱你無睇錯!浣熊係外國某啲地方真係可以做寵物!Melanie住喺英國,女主人對佢如珠如寶!買俾佢嘅衫仔同玩具多到簡直數唔晒!而且每日仲同好朋友大狗Kaszper,3個細佬妹Winston、Olivia、Sebastian一齊玩,不知過得幾開心!但如果以為Melanie生活好悠閒就大錯特錯喇!其實浣熊係好聰明嘅動物,Melanie身懷絕技無數!踩單車(仲要係兩輪!)、踩滑板、掃地通通都難唔到佢!仲威水到上過英國著名電視節目Britain’s Got Talent表演!女主人現時仲不停教緊新技能,每次都令人大開眼界!

 

A post shared by asana (@asana_hirame) on

3. 圓到變球狀嘅日本珍珠鳥 (ID:asana_hirame)

愈來愈多女仔想搵個識影相嘅男朋友~其實連做寵物亦唔例外,最好有個會影靚相嘅主人!住喺日本嘅珍珠鳥Hirame就幸福喇!Hirame主人係一位女攝影師,最擅動捕捉唔同動物嘅動態。攝影師主人幾乎每日都會拍低Hirame嘅生活點滴,可以見到Hirame完全唔需要好似其他雀仔咁困住籠入面或者要鎖腳鍊,成日四處走動活潑到暈。但可能太好食好住,Hirame肥到圓碌碌,唔睇對腳仔仲以為佢係一隻球狀公仔添~

Posted by:

Vanessa玩泥沙

Related articles

Back to Top