輸在起跑線上都贏!忽然李城球迷 奇蹟降臨 2015/16英超冠軍李斯特城!

Leicester1

黎到足球台,有留意足球嘅讀者一定會知道,當今季英超踢到一半嘅時候,所有焦點已經唔係任何豪門身上,而係呢隊夢幻般嘅球隊!到左尾三嘅呢場賽事,終於可以正式宣佈 2015/16球季 英超冠軍係李斯特城!
上季都仍然為護級而努力,今季竟然可以封王,簡直係一個傳奇神話!繼當年布力般流浪後,又一隊英超冠軍!

作為一隊草根球隊,每一個球員嘅能力當然亦比唔上豪門球隊粒粒皆星,但領隊雲尼亞里卻以防守反攻,實現以弱勝強嘅戰略!
若果大家有留意李城特城嘅比賽,會發現呢隊球隊所踢出嘅防守反擊,係以乜嘢做主軸。

小編不才,波齡尚淺,但今日亦提及一下我認為李城嘅核心球員!

三位前線球員:華迪、馬列斯、岡崎慎司
兩「對」防守重心:簡迪+真禾特、侯夫+摩根

maxresdefault

防守反擊,最重要,當然係快!
華迪嘅強大,未必在於能控擅射,反而落於速度,以及佢嘅工作效率。
華迪擁有比一般前鋒更快嘅速度,而且跑動極高,擁有一定嘅制空力,只要李城一斷球,大腳斬前,一下長傳急攻,華迪直搗黃龍,單刀入球,就係咁簡單。

細膩盤扭,必要時補上一刀!
無錯,就係佢 – 馬列斯。除左速度高,擁有極細膩嘅盤扭能力,若果華迪無辦法將反擊直接變成比數,就有馬列斯嘅配合,補上一刀!
速度奇高,而且擁有極佳盤扭能力,馬列斯面前,敵隊後防只不過係一個個雪糕桶而已。

 

能攻能守 同時將防守由前線做起
岡崎慎司,今季作為李城正選前鋒,但全季到而家入球數字同華迪仍然完全無得比,但佢並非踢得差。因為佢功用除左配合華迪嘅反擊,仲有前線第一道牆嘅防守。
每場賽事,岡崎慎司都會努力於前線不停跑動去阻截對方,當然未必能夠斷球,但仍有效做成干擾,然後交由後方中場球員斷球!

drinkwater_kante  

真真正正嘅無名英雄
兩大防守中場,簡迪/真禾特,具備極強大防守能力,亦都係防守重心。
每當敵隊將球運到中場,兩名防守中場上前壓逼,敵隊球員只能馬上傳走腳下足球,根本無辦法再慢慢諗點樣組織下一腳攻勢。robert_huth_leicester_city_YVTY

侯夫

 stream_img

摩根

踢法陳舊 高Q大棍
李城採用著重於中路的防守方法,密不透風嘅風線下,敵方硬闖中路,真係「唔係咁易架葉師傅」。如是者,自然傳往邊路,用燒味策略。
此時侯夫+摩根兩位經驗老到嘅傳統中堅,擁有非常出色嘅頭槌能力,波一斬入禁區,一下就比兩位中堅頭槌輕鬆解圍,反擊,又開始啦。

 

 

總而言之,夢幻旅程正式完結,冠軍寶座已經落入李斯特城手中,今季童話般嘅防守反擊戰術,為防反寫上新一頁!
當長傳急攻,唔再係踢法陳舊。輸在起跑線上,一樣可以成為冠軍。
李斯特城今年創造神話,可能未來十多年都唔會改寫,但此刻大家唔怕跟一跟眾人口水尾,去讚頌一下眼前所出現嘅奇蹟!

所有圖片來自Google搜尋

Posted by:

Eric

Related articles

Back to Top