千趣百奇系列！日本乜都有之「五指美甲襪」
夏天為大地帶來美腿！呢個時候隨時係街都好容易見到著露趾鞋既女生，不過觀音頭最怕掃把腳。上身打扮得靚一靚，都要有十隻企企理理既腳趾配合。好多女仔都睇唔慣自己無搽指甲油，又有時就算前幾日先搽得好完美，點知好快唔小心整花左。當你趕住要著露趾鞋出街，或者已經厭倦日日要幫腳趾換新裝，依家開始時興既五指美甲襪就可以大派用場！
（圖片來源：BELLE MAISON）
唔只淨色咁簡單，圖案款式相當有誠意。由可愛風到成熟風，多色系之餘仲有好多唔同花款。
（圖片來源：BELLE MAISON）
連迪士尼系列都有，實有一款襯到。
如果大家同小編一樣未夠膽自己著上腳，不妨睇睇日本女生既親身示範先～
日本新奇事物何其多，老實講小編都唔太識點評論呢種咁前衛既衣物。但著襪都可以美甲，真係好好好適合懶人！
