自訂名稱NUTELLA

Untitled

Nutella可以話既熟悉又陌生,就咁講可能冇乜印象,但一試陣味總會有啲童年回憶。不過最近應該好多人都會留意到呢隻榛子醬,事關由八月一開始響金鐘太古廣場,有得印自己名的Nutella喇!

其實我都幾鐘意Nutella,所以就算要三顧草廬都要得到手(我真係去左三次先整到架,雖然第一次係七月尾去仲裝修緊XD)

雖然佢個營業時間係11am-9pm,但佢有限量發售,基本上中午一兩點已經截龍。

我第一次三點半去到當然冇哂啦,第二次十二點去到已經打緊蛇餅,最後排到差唔多點半先有得寫名,之後要再等多段時間先有得拎。所以建議lunch time之前好去到喇!

佢有九格可以俾你寫名,不過要俾佢睇過合情理先可以,但其實只要唔係D粗口都可以的,話說排前面個人寫DAY,初時工作人員都唔俾,但佢話佢女朋友係叫DAY咁又俾佢過到關喎!另外個字長過五六個之後個字型會細少少的,而我用哂九個字上下兩邊係有D吉吉地,但都OK啦!

雖然一樽要成HKD$80,但勝在獨一無二,陪我排隊的朋友都買多兩樽做生日同結婚禮物,都幾好心思。

除左自訂服務,佢仲有D展覽睇,買唔到都可以搵下有冇自己名黎張selfie~

仲有好多潮語版,不過呢D應該冇得整,哈哈

自訂名稱服務至到八月廿四號,把握機會喇飛雲s!

Posted by:

Marco

Related articles

Back to Top